“Ювентус” ярим ҳимоячиси Уэстон Маккенни Англия Премьер-лигасида ўзини синаб кўради.

"Товуслар" 24 ёшли америкалик футболчини сотиб олиш опсияси билан ижарага олганини расман эълон қилди. Инсайдер Фабрицио Романонинг фикрича, келишув “Лидс”га 1,2 миллион еврога тушади, ярим ҳимоячининг тўлиқ трансфери “Ювентус”га яна 33 миллион евро келтиради.

Уэстон Маккенни 2020 йилдан бери “Ювентус” сафида тўп тепади ва “бянконери” сафида барча мусобақаларда жами 96 та ўйинда майдонга тушди. Жорий мавсумда футболчи 21 учрашувда 3 та гол урди ва 2 та голли узатмани амалга оширди.