“Yuventus” yarim himoyachisi Ueston Makkenni Angliya Premyer-ligasida o‘zini sinab ko‘radi.

"Tovuslar" 24 yoshli amerikalik futbolchini sotib olish opsiyasi bilan ijaraga olganini rasman e’lon qildi. Insayder Fabrisio Romanoning fikricha, kelishuv “Lids”ga 1,2 million yevroga tushadi, yarim himoyachining to‘liq transferi “Yuventus”ga yana 33 million yevro keltiradi.

Ueston Makkenni 2020 yildan beri “Yuventus” safida to‘p tepadi va “byankoneri” safida barcha musobaqalarda jami 96 ta o‘yinda maydonga tushdi. Joriy mavsumda futbolchi 21 uchrashuvda 3 ta gol urdi va 2 ta golli uzatmani amalga oshirdi.