Лондонликлар икки марта французларга имзоланмаган шартнома жўнатганидан сўнг, "Челси" вингери Ҳаким Зиешнинг "ПСЖ"га ижараси узилиб қолди, деб хабар беради L'Equipe.
Манбага кўра, “ПСЖ” дастлаб “кўклар”дан нотўғри ҳужжат олган, бироқ Лондон клуби адвокатлари гўёки хатони тўғирлаб, шартномани яна жўнатишган, аммо яна керакли имзосиз. "Челси" такрорий хатоликдан хабардор бўлгач, улар яна шартномани жўнатишди, лекин биринчи марта бўлгани каби, яна имзосиз қолди. "Челси" менежерлари тўртинчи бор ҳужжатларни жўнатишни режалаштиришган, бироқ трансфер ойнаси аллақачон ёпилган эди.
Инглиз клуби бир қатор хатоларга “Бенфика” ярим ҳимоячиси Энцо Фернандеснинг трансфер лойиҳаси сабаб бўлганини тушунтирди.
