Londonliklar ikki marta fransuzlarga imzolanmagan shartnoma jo‘natganidan so‘ng, "Chelsi" vingeri Hakim Ziyeshning "PSJ"ga ijarasi uzilib qoldi, deb xabar beradi L'Equipe.

Manbaga ko‘ra, “PSJ” dastlab “ko‘klar”dan noto‘g‘ri hujjat olgan, biroq London klubi advokatlari go‘yoki xatoni to‘g‘irlab, shartnomani yana jo‘natishgan, ammo yana kerakli imzosiz. "Chelsi" takroriy xatolikdan xabardor bo‘lgach, ular yana shartnomani jo‘natishdi, lekin birinchi marta bo‘lgani kabi, yana imzosiz qoldi. "Chelsi" menejerlari to‘rtinchi bor hujjatlarni jo‘natishni rejalashtirishgan, biroq transfer oynasi allaqachon yopilgan edi.

Ingliz klubi bir qator xatolarga “Benfika” yarim himoyachisi Enso Fernandesning transfer loyihasi sabab bo‘lganini tushuntirdi.