Яқинда молиявий фирибгарлик учун «Ювентус»дан 15 очко олиб ташланганди. Яқин келажакда А Сериянинг яна бир клуби очко йўқотиши мумкин.
La Gazzetta dello Sport хабарига кўра, «Сампдория» 2022 йилнинг сўнгги чораги учун футболчилар ва ходимларга маош тўламаган. Генуя клуби умумий 11 миллион евро тўлаши керак бўлган. Агар улар буни 16 февралгача бажармасалар, у ҳолда очколар жамоадан олиб ташланади.
Айни дамда «Сампдория» 9 очко билан А Серия турнир жадвалида сўнгги ўринни эгаллаб турибди. Шу тариқа, жамоанинг бусиз ҳам оғир аҳволи кескин оғирлашиши мумкин.
