"Челси" бош мураббийи Грэм Поттер қишки трансфер ойнасининг сўнгги кунида аргентиналик ярим ҳимоячи Энцо Фернандеснинг "аристократлар" сафига ўтиши ҳақида фикр билдирди.
"Унинг трансфери билан боғлиқ вазиятда мен ҳеч нарса қила олмадим, ҳеч нарсани ўзгартира олмадим. Ўтиш ҳақида фақат эълон қилинганида билдим. Мен жуда хурсандман, чунки у фантастик футболчи.
У "Фулхэм" билан ўйинда (3 февраль) дебют қила оладими? Келинг, кўрамиз, биз ҳужжатларни расмийлаштиришимиз, бунинг учун рухсат олишимиз керак.
Менинг испан тилим унчалик яхши эмас, унинг инглиз тили унчалик яхши эмас, лекин биз ишлаймиз. У таъсирчан йигит", - деди Поттер Absolute Chelsea билан суҳбатда.
Фернандеснинг трансфери "Челси"нинг тарихдаги энг қиммат харидига айланди. Лондонликлар "Бенфика"га 121 миллион евро тўлаган.
