Чоршанба оқшомида "Кремонезе" сенсация яратди. Жамоа сафарда “Рома”ни 2:1 ҳисобида мағлуб этди ва Италия кубоги ярим финалига йўл олди.
"Кремонезе" охирги марта 1986/1987 йилги мавсумда Италия кубоги ярим финалига чиққан эди. Бу Аргентина терма жамоаси жаҳон чемпиони бўлганидан кейин содир бўлганлиги қизиқ. Италияда ҳам "Наполи" ўша мавсумда мамлакат чемпиони бўлганини таъкидлашади.
Яқинда Аргентина 1986 йилдан бери илк бор жаҳон чемпионлигини қўлга киритди. "Наполи" эса ҳозирда А Серияда ишончли тарзда етакчилик қилмоқда ва чемпионликни қўлга киритиш имконияти юқори. Қисқаси, тарих такрорланмоқда.