Мадриднинг “Реал” клуби бош мураббийи Карло Анчелотти Испания чемпионатининг 17-туридан ўрин олган “Валенсия” устидан қозонилган ғалаба (2:0) ҳақида фикр билдирди. Унинг фикрича, иккинчи бўлим биринчисидан яхшироқ ўтди.
"Иккинчи бўлимда майдонда бор кучини бериш осонроқ бўлди. Винисиус биринчи бўлимда қийиналди, аммо иккинчи бўлимда у жисмоний савияси туфайли ўйинда ҳал қилувчи ролни ўйнади", - дея Анчелотти сўзларидан иқтибос келтиради Football Espana.
"Реал Мадрид" Ла Лига турнир жадвалида "Барселона"дан 5 очко ортда қолиб, иккинчи ўринда бормоқда. "Валенсия" 20 очко билан 14-поғонада.
