Madridning “Real” klubi bosh murabbiyi Karlo Anchelotti Ispaniya chempionatining 17-turidan o‘rin olgan “Valensiya” ustidan qozonilgan g‘alaba (2:0) haqida fikr bildirdi. Uning fikricha, ikkinchi bo‘lim birinchisidan yaxshiroq o‘tdi.
"Ikkinchi bo‘limda maydonda bor kuchini berish osonroq bo‘ldi. Vinisius birinchi bo‘limda qiyinaldi, ammo ikkinchi bo‘limda u jismoniy saviyasi tufayli o‘yinda hal qiluvchi rolni o‘ynadi", - deya Anchelotti so‘zlaridan iqtibos keltiradi Football Espana.
"Real Madrid" La Liga turnir jadvalida "Barselona"dan 5 ochko ortda qolib, ikkinchi o‘rinda bormoqda. "Valensiya" 20 ochko bilan 14-pog‘onada.
