Январь ойидаги аксарият клублар янги футболчи харид қилган бўлса, "Барселона" ўзининг иқтидорли футболчисини сақлаб қолишга ҳаракат қилди. Гави икки мавсумдан бери "Барса"да ўйнамоқда ва ўтган йилнинг кузида маошини оширган ҳолда шартномасини 2026 йилгача узайтирди. Яқин вақтгача янги шартнома шартлари Ла Лига томонидан белгиланмаган эди, шунинг учун у ёшлар жамоаси футболчиси ҳисобланиб, 30-рақам остида майдонга тушаётганди. "Барселона" ўтган ҳафта яна шартномани рўйхатдан ўтказишга уриниб кўрди, аммо лиганинг қаршилигига дуч келди - улар бу масалани суд орқали ҳал қилишлари керак эди.
"Барселона" ўзига хос услубда: ёздаги бўлгани каби "ричаг"лардан фойдаланди, аммо бу ҳали ҳам етарли эмас эди
Каталония клуби инқирози шу қадар чўзилиб кетганки, "Барселона" қайта-қайта бир хил молиявий тузоққа тушиб қолади. Ўтган ёзда раҳбарият узоқ вақт давомида баъзи ўйинчиларни рўйхатдан ўтказа олмади, шу сабабли улар ўша машҳур иқтисодий дастаклардан фойдаланишлари ва қўшимча маблағ жалб қилишлари керак эди. Натижада "Барселона" барча янги келганларни рўйхатдан ўтказди ва кузда улар ҳам ёш ва истиқболли Гавига янги шартнома таклиф қилишди. Шартномада маошни ошириш ва асосий жамоа футболчилари орасига қўшилиши кўзда тутилган. Фақат битта муаммо бор эди: ҳаддан ташқари ёқори маошларни тушириш керак эди. Фаолиятини якунлаган Жерар Пике ва "Атлетико"га ўтган Мемфис Депайнинг маошлари эвазига энди Гавини рўйхатдан ўтказиш мумкин эди, аммо Ла Лига Гавини рўйхатдан ўтказишдан бош тортди - лига президенти Хавер Тебас клуб ҳали ҳам иккита моддани бузаётганини айтди.
"Гавининг рўйхатдан ўтишни рад этиши ҳақидаги савол туғилади, чунки бу рўйхатга олиш кейинги мавсумда кучга киради ва кейинги олти ой давомида амал қилмайди. "Барселона"нинг келаси мавсумдаги бюджет тақчиллиги 200 миллион евродан ошади, шунинг учун бу рўйхатга олишни қабул қилиш тўғри келмайди". - Тебас
Биринчи сабаб, клуб мавсум ўртасида шартномани узайтиришни рўйхатдан ўтказа олмайди, чунки бунда кейинги мавсумдаги маош чегараси ҳисобга олиниши керак. Иккинчиси, Ла Лиганинг кузда қабул қилинган янги қоидаси бўлиб, унга кўра, активлар сотувининг атиги 5 фоизи иш ҳақи чегарасини ҳисоблашга киритилиши мумкин. Бу аввалроқ инвестицияларни жалб қилиш учун ҳомийлик шартномаларини тузган "Барселона"нинг имкониятларини кескин чеклайди. Қолаверса, манфий балансга эга клублар кейинги икки мавсум учун ликвидлик режасини тақдим этишлари керак, буни "Барса" ҳали бажармаган.
Энди эса "Барселона" ва Ла Лига ўртасида катта можаро юзага келмоқда. Клуб раҳбарияти мутасаддиларнинг унга нисбатан адолатсиз муносабатда бўлишаётганига ишончи комил, Ла Лига раҳбарлари эса ўз навбатида "Барселона" молиявий қоидаларни тушунмайди ёки уларни қайта-қайта четлаб ўтишга ҳаракат қилмоқда деб ҳисоблайди.
Ёзда активлар сотувидан тушган 667 миллион евро бу ва кейинги мавсумда "Барселона"нинг даромад олиш учун этарли эди, аммо бу пул оқимидан ҳисоб-китобларни мувозанатлаш учун ишлатиш ўрнига, Лапорта катта харидларни уюштирди. Шу билан бирга, клуб бюджети ҳеч бўлмаганда Чемпионлар лигасининг чорак финалини назарда тутган ва бу энди амалга ошмайди. Чемпионлар лигаси гуруҳ босқичидан чиқа олмаслик туфайли "Барса"нинг даромади пасаяди ва бу автоматик равишда маош чегарасига таъсир қилади. Шу билан бирга, декабрь ойида клуб 656 миллион евро чегарасидан 26 миллион евро кўпроқ ишлатган.
Гави ёзда кетиши мумкин. Унинг тақдири яна суд қарорига боғлиқ
Гави билан тўлиқ тушинарсиз воқеа юзага келди: дастлаб "Барса" у олтинчи рақамни олганини ва рўйхатдан ўтганини эълон қилди ва унинг профили ҳатто Ла Лига веб-сайтида пайдо бўлди. Аммо кейин у ердан ғойиб бўлди, чунки лига бу шартларни қабул қилишдан бош тортди. Кейин "Барселона" Ла Лигага қарши судда ғалаба қозонди. Суд қарори шундай бўлган:
"Барселонадаги 10-сонли хўжалик суди Испания футбол лигасини (ЛФП) Гави қишки трансфер ойнаси ёпилгунга қадар асосий жамоа ўйинчиси сифатида рўйхатдан ўтишини таъминлаш учун барча зарур чораларни кўришга рухсат берди."
Қарор ЛФП ваколатларини тан олади ва "Барселона"нинг даъвосида қонунийлик принципи мавжудлигини ва футболчини трансфер ойнаси тугагунига қадар рўйхатдан ўтказмаслик футболчининг ҳаракат эркинлигини чеклашни англатади ва шунинг учун жиддий ва тузатиб бўлмайдиган ҳуқуқбузарликка сабаб бўлади, деб ҳисоблайди. Ла Лига суднинг ҳукми ҳақида хабардор қилинди ва Гави энди асосий жамоа футболчиси сифатида рўйхатдан ўтиши мумкин."
Лига апелляция беришга қарор қилди: ташкилот баёнотига кўра, қарор "ўз далилларини тақдим этиш имкониятисиз" қабул қилинган, шунинг учун Гавининг рўйхатдан ўтиши вақинчалик имконсиз. “Суднинг аввалги қарорини бекор қилиш тўғрисида қарор чиқариши учун етарли фактик ва қонуний асослар мавжуд”, — дейилади баёнотда.
Бу иш ҳали тугамади, шунинг учун "Барселона"нинг лига билан янги қарама-қаршилиги кутмоқда. Қизиғи шундаки, Гавининг кузда имзоланган шартномаси у асосий жамоада рўйхатдан ўтган тақдирдагина амал қилади, шунинг учун Ла Лига апелляциясидан кейин суд қарори "Барселона" учун салбий бўлса, футболчи ёзда клубни тарк этиши мумкин.
Клуб бундай бўлмаслигига ишонч ҳосил қилмоқда: Гавининг шартномасида 1 миллиард евро миқдорида сотиб олиш варианти мавжуд ва уни «Барселона»да рўйхатдан ўтказишдаги қийинчиликлар фақат "бюрократик масала" деб ўйлашмоқда.
