Marca хабарига кўра, "Сельта" дарвозабони Аугустин Марчесин жароҳат сабаб мавсумнинг қолган қисмини ўтказиб юборади.

34 ёшли аргентиналик футболчининг чап оёғидаги Ахиллес пайчаси ёрилиб кетган, бу эса уни бир неча ойни ўтказиб юборишга мажбур қилади. Яқин кунларда дарвозабон операция қилинади.

Марчесин 2022 йилнинг ёзидан буён "Сельта Виго" сафида тўп суради. Унинг клуб билан амалдаги шартномаси 2025 йилнинг июнигача мўлжалланган. Transfermarkt портали футболчининг нархини 3 миллион еврога баҳоламоқда.

2022/23 йилги мавсумда Марчесин "Сельта" сафида барча турнирлар доирасида 21 та ўйинда майдонга тушиб, 31 та гол ўтказиб юборган ва 7 марта ўз дарвозаси дахлсизлигини сақлаб қолган.