Кеча, 4 февраль куни Ливерпулдаги «Гудисон Парк» стадионида Англия премьер-лигасининг 22-туридан ўрин олган учрашув бўлиб ўтди ва унда маҳаллий «Эвертон» Лондоннинг «Арсенал» жамоаси билан баҳс олиб борди.
Мезбонлар 1:0 ҳисобида ғалаба қозонишди, Squawka таҳлилига кўра, меҳмонларнинг лигада ғалаба қозониш имконияти 53,59 фоиздан 41,15 фоизга тушиб кетди.
«Арсенал» «Эвертон»га қарши АПЛдаги иккинчи мағлубиятини қабул қилиб олди. Ушбу ўйин олдидан Микель Артета шогирдлари мавсумдаги ягона мағлубиятни сентябрь ойида «Манчестер Юнайтед»дан (1:2) қабул қилиб олишганди.
«Арсенал» АПЛ турнир жадвалида биринчи ўринни эгаллашда давом этмоқда. Жмоа «Манчестер Сити»дан 5 очко олдинда.
