Англиялик собиқ ярим ҳимоячи Жейми Каррагер премьер-лига 22-турида «Вулверхэмптон»га (3:0) қарши ўйиндан сўнг «Ливерпуль» ҳимоячилари Жоэль Матип ва Жо Гомесни танқид қилди.

«Етакчи ҳимоячи билан ҳимоя марказида ўйнаш унчалик қийин эмас. Аммо марказий ҳимоячилар етакчи ролини ўз зиммаларига олишлари керак бўлганда уларнинг ўйинига баҳо бериш шарт. Улардан кўп нарса кутилади. Ҳозир эса «Ливерпул»да хаос юзага келган», - деб ёзди Каррагер ижтимоий тармоқдаги саҳифасида.

Эслатиб ўтамиз, Матип ушбу учрашувда автогол муаллифига айланди. «Ливерпул»нинг етакчи ҳимоячиси Виржил ван Дейк жароҳати сабаб учрашувда иштирок этмади.

«Ливерпуль» 20 ўйинда 29 очко тўплаган ва Англия Премьер-лигасининг 2022/2023 йилги мавсумида 10-ўринда бормоқда. Мусобақа пешқадами Лондоннинг «Арсенал» жамоаси (50).