"Галатасарой" "Рома"дан ярим ҳимоячи Николо Дзаньолони сотиб олишга тайёр, дея хабар беради журналист Николо Скира.
Турк клуби 23 ёшли футболчига 2027 йилгача шартнома таклиф қилмоқда. Дзаньолонинг маоши мавсумда 3 миллион еврога етиши мумкин.
Футболчи бундай шартларга рози, бироқ шартномага 25-30 миллион евро миқдоридаги товон пули киритмоқчи.
Италиялик ва римликлар ўртасидаги амалдаги келишув 2024 йилнинг ёзига қадар тузилган.
Жорий мавсумда у "Рома" сафида барча турнирларда 17 та ўйинда майдонга тушиб, 2 та гол урди ва 3 та голга ассистентлик қилди.
