«Бавария» ҳужумчиси Томас Мюллер Германия чемпионатининг 19-турида «Вольфсбург»га қарши сафар учрашувидан сўнг интервью берди. Юлиан Нагельсманн шогирдлари 4:2 ҳисобида ғалаба қозонди.
«Биз мақсадимизга эришдик. «Бавария»нинг ғалабага бўлган чанқоғи ва иштиёқини ҳамма кўрди. Учрашувни яхши бошладик, тўртинчи гол эса ҳал қилувчи роль ўйнади. Аммо биз бундан ҳам яхшироқ ўйнай оламиз.
«Бавария» мутлақ ҳақли ғалабага эришди. Биз Мюнхенга ажойиб кайфиятда қайтамиз», - дея Томаснинг сўзларидан иқтибос келтиради клуб матбуот хизмати.
19 турдан кейин «Бавария» Бундеслига турнир жадвалида 40 очко билан пешқадамлик қилмоқда ва иккинчи ўриндаги «Унион»ни бир очкога ортда қолдирди.
