«Bavariya» hujumchisi Tomas Myuller Germaniya chempionatining 19-turida «Volfsburg»ga qarshi safar uchrashuvidan so‘ng intervyu berdi. Yulian Nagelsmann shogirdlari 4:2 hisobida g‘alaba qozondi.
«Biz maqsadimizga erishdik. «Bavariya»ning g‘alabaga bo‘lgan chanqog‘i va ishtiyoqini hamma ko‘rdi. Uchrashuvni yaxshi boshladik, to‘rtinchi gol esa hal qiluvchi rol o‘ynadi. Ammo biz bundan ham yaxshiroq o‘ynay olamiz.
«Bavariya» mutlaq haqli g‘alabaga erishdi. Biz Myunxenga ajoyib kayfiyatda qaytamiz», - deya Tomasning so‘zlaridan iqtibos keltiradi klub matbuot xizmati.
19 turdan keyin «Bavariya» Bundesliga turnir jadvalida 40 ochko bilan peshqadamlik qilmoqda va ikkinchi o‘rindagi «Union»ni bir ochkoga ortda qoldirdi.
