"Бавария" устози Юлиан Нагельсманн ва жамоа сардори Мануэль Нойер ўртасидаги муносабатлар жуда ёмонлашди.

Kicker нашрининг ёзишича, можарога мураббий ўз фикрларини Жосуа Киммих орқали етказишини афзал кўргани сабаб бўлган. Қайд этилишича, дарвозабон ва мураббий ўртасида таранглик - узоқ муддатли дарвозабонлар мураббийи Тони Тапаловичнинг ишдан бўшатилишига Нойернинг муносабат билдириши сабабли юзага келган. Қизиғи шундаки, дарвозабон "Бавария" раҳбариятини танқид қилган шов-шувли интервьюсидан сўнг "Бавария"нинг баъзи футболчилари Нойер томонига ўтишди.

Эслатиб ўтамиз, Мануэль Нойер қишки таътилда чанғи учиш пайтида олган оғир жароҳати туфайли ушбу мавсумнинг қолган қисмини ўтказиб юборади.