Анталияда ўқув-йиғин машғулотларини давом эттираётган "Қизилқум" аъзолари бугун йиғин доирасида илк назорат учрашувида майдонга тушишди.
Хабарингиз бор, бугун Туркиянинг жануби-шарқий вилоятларида кучли зилзилалар кузатилди. Учрашувдан олдин ушбу табиий офат қурбонлари хотирасига жамоалар бир дақиқалик сукут сақлашди.
Қизғин кечган беллашувнинг тақдирини иккинчи бўлимда киритилган голлар ҳал қилди. Навоийликларда ҳам қулай имкониятлар юзага келган бўлсада, грузинлар дарвозасини ишғол этиш ҳеч бир вазиятда насиб этмади.
Назорат учрашуви
Туркия — Анталия
"Аркадия" спорт мажмуаси
“Қизилқум” – "Самгурали” (Грузия) 0:2
"Қизилқум": Жавоҳир Илёсов, Самандар Шукруллаев, Николай Тарасов, Жалолиддин Содиқов, Авазжон Маматхўжаев, Ифиани Ифиани, Мурод Раҳматов, Ислом Тошпўлатов, Шерали Жўраев, Ойбек Нурматов, Жасур Холтўраев.
