Ҳужумчи Антони Марсьяль ёзда “Манчестер Юнайтед”ни тарк этиши мумкин.
Manchester Evening News хабарига кўра, франциялик футболчи клуб сотувга қўядиган футболчилар қаторига киради. Шунингдек, манкунианликлар ҳимоячилар Харри Магуайр ва Алекс Теллес (Севилья-ижара) билан ҳам хайрлашишга тайёр.
"Манчестер Юнайтед" бош мураббийи Эрик тен Хагнинг таъкидлашича, бозордаги асосий мақсад кўп гол ура оладиган ҳужумчи бўлиши керак. Клуб "Тоттенхэм" футболчиси Харри Кейн ва "Наполи" аъзоси Виктор Осимхенга қизиқиш билдирмоқда. Мураббийга Гонсалу Рамуш ("Бенфика") ва Муҳаммад Кудус ("Аякс") ҳам ёқади.
Марсьяль жорий мавсумда АПЛда 9 та ўйинда майдонга тушиб, 3 та гол урди.