Hujumchi Antoni Marsyal yozda “Manchester Yunayted”ni tark etishi mumkin.
Manchester Evening News xabariga ko‘ra, fransiyalik futbolchi klub sotuvga qo‘yadigan futbolchilar qatoriga kiradi. Shuningdek, mankunianliklar himoyachilar Xarri Maguayr va Aleks Telles (Sevilya-ijara) bilan ham xayrlashishga tayyor.
"Manchester Yunayted" bosh murabbiyi Erik ten Xagning ta’kidlashicha, bozordagi asosiy maqsad ko‘p gol ura oladigan hujumchi bo‘lishi kerak. Klub "Tottenxem" futbolchisi Xarri Keyn va "Napoli" a’zosi Viktor Osimxenga qiziqish bildirmoqda. Murabbiyga Gonsalu Ramush ("Benfika") va Muhammad Kudus ("Ayaks") ham yoqadi.
Marsyal joriy mavsumda APLda 9 ta o‘yinda maydonga tushib, 3 ta gol urdi.