"Рома" ярим ҳимоячиси Николо Дзаньолонинг "Галатасарой"га ўтиши мумкинлиги маълум бўлди.
Журналист Фабрицио Романонинг ёзишича, римликлар ўз футболчиси учун 20-22 миллион евро олишади. Туркияда италиялик футболчи йилига 3,5 миллион евро маош олади, шартнома 2027 йилгача амал қилади. Бундан ташқари, келишув 35 миллион еврони ташкил этадиган компенсация миқдорини ўз ичига олади.
Футболчи сешанба куни тушдан кейин Истанбулга учиб кетади, шундан сўнг шартнома имзоланади.
Эслатиб ўтамиз, Дзаньоло қишки трансфер ойнасига "Борнмут", "Милан", "Лидс" ва "Тоттенхэм"га ўтиши мумкин эди, аммо турли сабабларга кўра музокаралар амалга ошмай қолди. Футболчи "бўрилар" раҳбарияти билан можаро туфайли жамоадан четлаштирилди, ҳатто римликлар мухлислари томонидан ҳам таҳдидлар бўлди. Туркияда трансфер ойнаси 8 февралгача очиқ.
