"ПСЖ" клуби "Манчестер Сити" ва Португалия терма жамоаси ярим ҳимоячиси Бернарду Силвага қизиқиш билдирмоқда, деб хабар беради Le10Sport.
Манбанинг хабарига кўра, француз клуби ёзги трансфер ойнасида футболчини сотиб олиш вариантини кўриб чиқмоқда. Футболчининг ўзи клубни ўзгартиришга тайёр, чунки у шаҳар бош мураббийи Хосеп Гвардиола билан энг яхши муносабатларга эга эмас. Олдинроқ португалиялик футболчига "Барселона" ҳам қизиқиш билдираётгани ҳақида хабар берилганди.
28 ёшли Силва жорий мавсумда "Манчестер Сити" сафида барча турнирлар доирасида 31 та ўйинда майдонга тушиб, 2 та гол урди ва 5 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.













