Саудиянинг “Ан-Наср” клуби “Барселона” ярим ҳимоячиси Серхио Бускетсга шартнома таклиф қилди, у мавсум якунида эркин агентга айланади. Бу ҳақда Mundo Deportivo хабар бермоқда.
Манбага кўра, 34 ёшли испаниялик футболчи билан шартнома икки йилга тузилиши режалаштирилган ва футболчининг ўзига солиқлар тўланганидан кейин мавсум учун 18 миллион евро маош таклиф қилинади. Бироқ, Бускетс бошқа вариантларни кўриб чиқишдан олдин, аввало, “Барселона”нинг таклифини кўрмоқчи. "Интер Майами" ҳам Бускетсни ўз сафига қўшиб олмоқчи.
Бускетс жорий мавсумда барча мусобақаларда 27 та ўйинда 1 та голли узатмани амалга оширди.
