"Реал Мадрид" ярим ҳимоячиси Федерико Вальверде клублар ўртасидаги жаҳон чемпионатидан аввал ўз фикрлари билан ўртоқлашди. Эслатиб ўтамиз, "қироллик клуби" турнирдаги иштирокини ярим финалда "Ал-Аҳли" билан ўйинда бошлайди.
“Мен клублар ўртасидаги жаҳон чемпионатидан завқ оламан. Чемпионлар лигасидаги ғалабамиздан сўнг бу қандайдир йўлнинг охири. “Реал” билан ҳар бир дақиқадан завқ олишга ҳаракат қиламан”, деди Вальверде матбуот анжуманида.
Испания чемпионатининг сўнгги турида “Реал” сафарда “Мальорка”га имкониятни бой бериб қўйди. Ҳозирда "Реал" "Барселона"дан 8 очко ортда қолмоқда.