"Барселона" ҳужумчиси Ансу Фати яна Хави Эрнандес жамоасидаги ролидан норози.
Сўнгги ҳафталарда матбуотда 20 ёшли футболчининг ёзги трансфер ойнасида "Барселона"ни тарк этиши мумкинлиги ҳақида миш-мишлар кўпайиб бормоқда. Дарҳақиқат, бундай маълумот учун исботлар мавжуд, чунки Фати Каталония клубидаги мавқеидан кўнгли тўлмаяпти, деб хабар беради Diario Sport. Футболчи кўпроқ асосий таркибда майдонга тушишга лойиқ деб ҳисоблайди.
Ансу Фати жорий мавсумда “кўк-анорранглилар” сафида 31 ўйинда 6 та гол урди ва 3 та голли узатмани амалга оширди.
