"Манчестер Юнайтед" ва Англия терма жамоасининг собиқ футболчиси Рио Фердинанд ҳозирда кимни АПЛнинг энг яхши ҳимоячиси деб билишини айтди.
"Лисандро Мартинес - энг яхшиси. Унинг ҳозирги ҳолатидан келиб чиқиб, у билан ҳеч ким тенглаша олмайди, деб ўйлайман. Лисандро ўз позициясида устунлик қилмоқда, у ажойиб тажовузкор ўйинга эга. Мартинес етакчилик фазилатларига эга ва "қизил иблислар"нинг бошқа ўйинчилари билан яхши муносабатда. Бу жуда зўр ҳимоячи”, - дея Фердинанднинг сўзларини келтиради Sky Sports.
Англия Премьер-лигасининг жорий мавсумида Лисандро 19 та ўйинда майдонга тушиб, битта гол урди ва 4 та сариқ карточка олди.
