"Милан" клуби ҳужумчи Оливье Жиру вакиллари билан янги учрашув тайинлади. Бу ҳақда инсайдер Фабрицио Романо ижтимоий тармоқлар орқали хабар берди.
Томонлар франциялик футболчининг янги шартномасини муҳокама қилишда давом этишади. Амалдаги шартнома 36 ёшли футболчини жорий мавсум охиригача "россонерлар" билан боғлайди.
Қишда "Эвертон" ва МЛС вакиллари Оливье Жируга қизиқиш билдиришди, аммо келиша олишмади. Франциялик ҳужумчи "Милан" учун муҳим футболчи бўлиб қолмоқда.
2022/2023 йилги мавсумда Оливье Жиру "Милан" сафида 27 та ўйинда майдонга тушди. Уларда франциялик футболчи 10 та гол урди ва 6 та голли узатмани амалга оширди.
