"Интер" январь ойида "Бавария" ҳимоячиси Бенжамин Паварни сотиб олишга уриниб кўрди, дея хабар беради Calciomercato.
"Нерадзуррилар" раҳбарияти Милан Шкриньярнинг шу ёзда "ПСЖ"га кетиши эҳтимолини ҳисобга олди ва шу боис франциялик футболчини қишда қўлга киритишга аҳд қилди. Бироқ “Бавария” 26 ёшли футболчини сотишдан бош тортди. Бу малумотни клуб спорт директори Хасан Салихамиджич ҳам тасдиқлади.
Паварнинг Мюнхен клуби билан шартномаси 2024 йилнинг июн ойи охиригача амал қилади. 2022/23 йилги мавсумда Павар "Бавария" сафида 25 та ўйинда 4 та гол урган.
Transfermarkt.com портали футболчининг нархини 35 миллион еврога баҳоламоқда.













