Мадриднинг "Реал" клуби "Зенит"нинг бразилиялик ҳимоячиси Роберт Ренанга қизиқиш билдирмоқда, дея хабар бермоқда Jovem Pan Esportes нашри.
Манбага кўра, "қаймоқранглилар" 19 ёшли футболчи учун "Зенит"га 40 миллион евро таклиф қилади. Ренан ўйнаётган Жанубий Америка ёшлар чемпионатидан сўнг дарҳол Россия клубига расмий сўров юборилиши кутилмоқда.
Эслатиб ўтамиз, ёш ҳимоячи шу қишда "Коринтианс"дан "Зенит"га ўтган эди. Бразилиялик футболчининг петербургликлар билан шартномаси 2028 йилнинг ёзига қадар тузилган. Transfermarkt Ренанни 2 миллион еврога баҳоламоқда.
