"Реал" ва "ПСЖ"нинг собиқ ҳужумчиси Хесе Родригес фаолиятини "Сампдория"да давом эттиради, дея хабар бермоқда журналист Николо Скира.

Манбага кўра, эркин агент ҳисобланган 32 ёшли испаниялик футболчи тез орада тиббий кўрикдан ўтади ва Италия клуби билан яна бир йилга узайтириш имконияти билан 2023 йилнинг июнь ойи охиригача шартнома имзолайди.

Хесенинг аввалги клуби Туркиянинг "Анқарагужу" жамоаси бўлиб, у 2022 йилнинг июлидан буён ўйнаб, 16 ўйинда 5 гол урди ва 2 голга ассистентлик қилди. 12 январь куни футболчи жамоа билан шартномасини бекор қилди.