"Барселона" ҳужумчиси Ансу Фати Каталония клубини тарк этиши мумкин.
Diario Sport хабарига кўра, 20 ёшли футболчи жамоасини ўзгартириши мумкин. Қайд этилишича, “Барселона” иқтидорли испанияликни фақат Фатининг ўзи сўраган тақдирдагина қўйиб юборишга тайёр бўлади.
Аввалроқ, ҳужумчининг хизматларига "Манчестер Юнайтед", "Ливерпуль", "Арсенал" ва бошқа кўплаб клублар қизиқиш билдираётгани ҳақида хабар берилганди.
2022/23 йилги мавсумда Фати барча мусобақаларни инобатга олган ҳолда 31 учрашувда 6 та гол ва 3 та голли узатмани амалга оширди. Ҳужумчининг "Барселона" билан тузган меҳнат шартномаси 2027 йилгача мўлжалланган.
