"Barselona" hujumchisi Ansu Fati Kataloniya klubini tark etishi mumkin.
Diario Sport xabariga ko‘ra, 20 yoshli futbolchi jamoasini o‘zgartirishi mumkin. Qayd etilishicha, “Barselona” iqtidorli ispaniyalikni faqat Fatining o‘zi so‘ragan taqdirdagina qo‘yib yuborishga tayyor bo‘ladi.
Avvalroq, hujumchining xizmatlariga "Manchester Yunayted", "Liverpul", "Arsenal" va boshqa ko‘plab klublar qiziqish bildirayotgani haqida xabar berilgandi.
2022/23 yilgi mavsumda Fati barcha musobaqalarni inobatga olgan holda 31 uchrashuvda 6 ta gol va 3 ta golli uzatmani amalga oshirdi. Hujumchining "Barselona" bilan tuzgan mehnat shartnomasi 2027 yilgacha mo‘ljallangan.
