Мадриднинг “Реал” клуби ярим ҳимоячи Дани Себальос билан янги шартнома шартлари бўйича музокараларни бошлади. Бу ҳақда ижтимоий тармоқларда италиялик журналист Николо Скира хабар берди. Эслатиб ўтамиз, Себальоснинг "қироллик клуби" билан амалдаги шартномаси жорий мавсум охирида якунига етади.
Сўнгги пайтларда Себальос "Реал Мадрид" раҳбариятини ҳайратда қолдира олди ва асосий таркибда кетма-кет бир нечта ўйин ўтказди. Аввалроқ “қаймоқранглилар” футболчини мавсум якунида эркин агент сифатида қўйиб юборишга мойил эди. Ҳозир клубда кайфият ўзгарди.
Себальос Испания чемпионатининг жорий мавсумида битта голли узатмани амалга оширди.
