Килиан Мбаппе жароҳати сабаб "ПСЖ"нинг сўнгги ўйинларини ўтказиб юборди. Франция гранди бош мураббийи Кристоф Галтье Мбаппе сешанба куни Чемпионлар лигаси доирасида "Бавария"га қарши ўйинда жамоасига ёрдам бера олмаслигини айтди. Бироқ, оммавий ахборот воситаларидан олинган маълумотлар парижлик мухлисларга умид бағишлайди.
L'Equipe хабарига кўра, Мбаппеда 14 февраль куни "Бавария" билан бўладиган жангда иштирок этиш имконияти бор. Манбага кўра, Килиан аллақачон майдонда югуриш машғулотларини қайта бошлаган ва якшанба куни у умумий гуруҳда машғулотларнинг бир қисмини ўтказган.
Чемпионлар лигасининг 1/8 финалидан ўрин олган "ПСЖ" - "Бавария" учрашуви 14 февраль куни бўлиб ўтади.
