Kilian Mbappe jarohati sabab "PSJ"ning so‘nggi o‘yinlarini o‘tkazib yubordi. Fransiya grandi bosh murabbiyi Kristof Galtye Mbappe seshanba kuni Chempionlar ligasi doirasida "Bavariya"ga qarshi o‘yinda jamoasiga yordam bera olmasligini aytdi. Biroq, ommaviy axborot vositalaridan olingan ma’lumotlar parijlik muxlislarga umid bag‘ishlaydi.

L'Equipe xabariga ko‘ra, Mbappeda 14 fevral kuni "Bavariya" bilan bo‘ladigan jangda ishtirok etish imkoniyati bor. Manbaga ko‘ra, Kilian allaqachon maydonda yugurish mashg‘ulotlarini qayta boshlagan va yakshanba kuni u umumiy guruhda mashg‘ulotlarning bir qismini o‘tkazgan.

Chempionlar ligasining 1/8 finalidan o‘rin olgan "PSJ" - "Bavariya" uchrashuvi 14 fevral kuni bo‘lib o‘tadi.