Роналду "Манчестер "Юнайтед" сафини 2022 йилнинг ноябрь ойида тарк этганди. Ўшандан бери бу жамоа ўзгариб, маҳсулдор ўйин кўрсата бошлади. Айтиш мумкинки, "МЮ"дагилар Роналдуни соғинишаётгани йўқ. Португалиялик юлдуз "қизил иблислар" сафида сўнгги марта ноябрнинг бошида кўриниш беради. Роналду "Астон Вилла" билан ўшанда тўлиқ тўқсон дақиқа ўйнаганди. Бироқ, унинг жамоаси 3-1 ҳисобида мағлубиятга учрайди. Ўша воқеадан бир неча кун ўтиб, ҳужумчи, Пирс Морган билан интервью уюштириб, ҳамма гапни очиқ айтганди. Ҳа, "Манчестер Юнайтед" Роналдунинг ҳеч бир гапини инкор эта олмади. Шу сабабли уни клубдан кетишга мажбур қилди...
Ўша воқеадан кейин фикр билдирар экан, Жейми Каррагер шундай дейди: "Бу барибир содир бўлиши керак эди. Шундай бўлиши аниқ эди. Мен бекорга бундан 18 ой олдин "МЮ" Роналдуни клубга қайтариб, хато қилди демаган эдим. Жамоа Роналдусиз яхши ҳаракат қилаётганди. Кейин эса унинг интервьюси чиқди ва ҳаммаёқни портлатди. Роналду "МЮ"да бўлганида, асосан унинг номи янграрди. Ҳа, у ўтган мавсумда кўплаб голлар уришга эришди. Аммо бу йили ундай эмас. У ҳаммани эътиборини ўзига тортишга яна ҳаракат қилди ва бунга эришди. Айнан шу туфайли ушбу интервью тайёрланган. Ҳа, ҳа, айнан махсус тайёрланган".
Роналду Жаҳон чемпионати ўтиши билан Саудия Арабистонига йўл олди. У "Ан-Наср"дан келган йирик таклифни қабул қилганди. Бу пайтда эса унинг собиқ жамоаси кучая бошлади. Хусусан, Маркус Рэшфорд 15 та ўйинда 13 та гол урди. Алехандро Гарначо эса мухлислар кўз ўнгида юлдузга айланди. Хуллас, ҳаммаси манкунианликлар учун яхши кечмоқда. Қуйида эса биз Роналду "МЮ"ни тарк этганидан бери АПЛдаги жадвал қандай ўзгарганини намойиш этмоқчимиз.
Эслатма: барча клублар 8 тадан ўйин ўтказган.
1. "Манчестер Юнайтед – 23 очко (ТН: +11)
2. "Брентфорд" – 18 очко (ТН: +10)
3. "Арсенал" – 17 очко (ТН: +8)
4. "Манчестер Сити" – 16 очко (ТН: +7)
5. "Фулхэм" – 16 очоо (ТН: +5)
6. "Брайтон" – 14 очко (ТН: +6)
7. "Ньюкасл" – 14 очко (ТН: +5)
8. "Ноттингем" – 14 очко (ТН: 0)
9. "Вулвз" – 13 очко (ТН: 0)
10. "Астон Вилла" – 13 очко (ТН: -1)
11. "Тоттенхэм" – 13 очко (ТН: -2)
12. "Лестер" – 10 очко (ТН: 0)
13. "Челси" – 10 очко (ТН: -1)
14. "Ливерпуль" – 10 очко (ТН: -3)
15. "Вест Хэм" – 6 очко (ТН: -5)
16. "Кристал Пэлас" – 6 очко (ТН: -8)
17. "Борнмут" – 5 очко (ТН: -7)
18. "Лидс" – 4 очко (ТН: -7)
19. "Эвертон" – 4 очко (ТН: -9)
20. "Саутгемптон" – 3 очко (ТН: -10)
ИСМАТОВ Ж.
