"Валенсия" марказий ҳужумчиси Эдинсон Кавани жароҳат олиб, жамоа шифохонасига ётқизилди. Бу ҳақда испан ОАВлари хабар бермоқда. 36 ёшли тўпурар мушакларидаги муаммолар туфайли бир ойга сафдан чиқди. Футболчи "Атлетик"га қарши ўйинда оёғида оғриқни ҳис қилган.
Кавани “кўршапалаклар” сафига ўтган йилнинг август ойи охирида келиб қўшилганди. У билан 2024 йилнинг ўрталарига қадар шартнома имзоланган.
Эдинсон жорий мавсумда 14 та ўйинда майдонга тушиб, 5 та гол ва битта голли узатмани амалга оширди.
Ла Лиганинг 21-туридан кейин “Валенсия” 20 очко билан турнир жадвалида 18-ўринда бормоқда.
