"Valensiya" markaziy hujumchisi Edinson Kavani jarohat olib, jamoa shifoxonasiga yotqizildi. Bu haqda ispan OAVlari xabar bermoqda. 36 yoshli to‘purar mushaklaridagi muammolar tufayli bir oyga safdan chiqdi. Futbolchi "Atletik"ga qarshi o‘yinda oyog‘ida og‘riqni his qilgan.
Kavani “ko‘rshapalaklar” safiga o‘tgan yilning avgust oyi oxirida kelib qo‘shilgandi. U bilan 2024 yilning o‘rtalariga qadar shartnoma imzolangan.
Edinson joriy mavsumda 14 ta o‘yinda maydonga tushib, 5 ta gol va bitta golli uzatmani amalga oshirdi.
La Liganing 21-turidan keyin “Valensiya” 20 ochko bilan turnir jadvalida 18-o‘rinda bormoqda.
