«Манчестер Сити» бош мураббийи Пеп Гвардиола «Ливерпул»нинг собиқ футболчиси Стивен Жеррарддан узр сўради.
Мутахассис конференциялардан бирида: «Жеррарднинг 2014 йилда «Челси»га қарши ўйинда сирпаниб кетганига «Манчестер Сити» айбдорми? деган маънодаги кесатиқли фикр билдирганди.
«Мен Стивен Жеррарддан сўнгги матбуот анжуманидаги аҳмоқона фикрларим учун узр сўрайман. Мен жуда уялдим, Стивен бунга лойиқ эмас.
Шахсан мен ундан узр сўраганман, лекин буни омма олдида ҳам қилишни хоҳлайман. Мен нафақат ундан, балки бутун оиласидан кечирим сўрадим», деди Гвардиола матбуот анжуманида.
Аввалроқ «Манчестер Сити» молиявий фэйр-плей қоидаларини мунтазам равишда бузгани учун жиддий жазоланиши мумкинлиги ҳақида хабар берилганди.
