«Реал» ҳужумчиси Родриго Мадрид клуби билан шартнома имзолашдан олдин «Барселона»га ўтишга яқин эканлигини айтди.

«Болалигимда иккита футболкам бор эди, биттаси «Барса» ва биттаси «Реал Мадрид»ники бўлган ва мен танлашим керак эди. Бироқ, бу танлов менга жуда осон бўлган.

Ўшанда мен «Барселона» билан шартнома бўйича келишиб олгандим, «Реал» ҳам мен учун курашганини кутмагандим.

Бундай қарор қабул қилиш қўрқинчли эди, лекин кейин бу ҳаётимдаги энг бахтли лаҳзалардан бири эканлигини англадим», - деди Родриго.

21 ёшли бразилиялик футболчи жорий мавсум «Реал» сафида 32 та ўйинда майдонга тушиб, 10 та гол урди ва 6 та голли узатмани амалга оширди.