Италиялик афсонавий футболчи Даниэле Де Росси СПАЛ бош мураббийи лавозимидан озод этилди.
Бу ҳақда клуб матбуот хизмати хабар берди. Жамоа айни дамда Италия иккинчи дивизионида 18-ўринни эгаллаб турибди.
Унинг ўрнини мутахассис Массимо Оддо эгаллади. Янги мураббий билан тузилган шартнома 2023 йилнинг ёзига қадар амал қилади, агар клуб Б Сериядаги ўрнини сақлаб қолса, шартнома автоматик равишда яна бир йилга узайтириларди.
Эслатиб ўтамиз, Даниэле Де Росси ўз фаолиятини 2019 йилда Аргентинанинг «Бока Хуниорс» клубида якунлаган эди. Бунгача у римликлар сафида 17 мавсум ўтказиб, жамоа сафида 459 та ўйин ўтказган.
Де Росси мураббий сифатида Италия терма жамоасида ишлаган. У Роберто Манчини штабида 2020 йилги футбол бўйича Европа чемпионатида иштирок этиб, Италия терма жамоаси билан бирга турнирнинг олтин медалини қўлга киритди.
