24 ёшли иқтидор эгаси Дилшодбек Комиловнинг яқинда “Андижон” йиғинига қўшилганидан хабарингиз бор.

Фаолиятини Тошкентнинг “Локомотив” клубида бошлаб, ҳозирга қадар ушбу жамоа шарафини муносиб ҳимоя қилиб келган Комилов фаолиятида янги саҳифа очди. “Андижон” Дилшод билан 2 йилга мўлжалланган шартнома тузди.

Дилшод Комилов шартнома имзолаганидан сўнг ўз фикрлари билан ўртоқлашди.

“Бу чақирувни кутгандим. Бош мураббий Александр Хомяков мени жамоасига таклиф қилди. Ҳаммасини ўйлаб чиқдим ва “Андижон” клубига кўчиб ўтишга қарор қилдим. Клуб раҳбариятига ва мураббийга таклиф учун миннатдорчилик билдираман.

Худо хоҳласа, ниятларимиз катта. Жамоа билан бирга чемпионатда яхши натижаларни қўлга киритиб, мухлислар ишончини қозонмоқчимиз. Бу йил зўр бўлади, деб умид қиламан”, - дея муносабатини айтди Комилов.
 
Бизнинг маълумот:

Дилшод Комилов
Туғилган санаси: 16.05.1999
Амплуаси: ҳимоячи
Бўйи: 185
Вазни: 70 кг
Фуқаролиги: Ўзбекистон
Тўп сурган клублари: “Локомотив” (Ўзбекистон)