"Барселона"нинг чап қанот ҳимоячиси Алехандро Бальде жамоасининг мавсумнинг қолган қисмидаги натижаларидан умидлари билан ўртоқлашди.
Испаниялик футболчининг айтишича, унинг жамоаси барча мумкин бўлган совринлар учун охиригача курашиш ниятида.
"Барселона" бу мавсумда мумкин бўлган барча совринларни ютмоқчи. Биз максимал натижага эришиш учун ҳамма нарсани қилишимиз керак", - деди Бальде Barca Universal билан суҳбатда.
Эслатиб ўтамиз, Испания чемпионатида "Барселона" "Реал"дан 11 очко фарқ билан турнир жадвалида пешқадамлик қилмоқда. Шунингдек, "кўк-анорранглилар" тез орада Испания кубоги ярим финалида ўйнайди ва бу босқичда "Реал" билан тўқнаш келади. “Барселона” иштирок этадиган яна бир турнир бу Европа Лигаси бўлиб, унда Хави Эрнандес шогирдлари эртага "Манчестер Юнайтед"га қарши 1/16 финалнинг илк ўйинини ўтказишади.
