Италиялик журналист Фабрицио Романонинг хабар беришича, "Гэлакси" ҳимоячиси Хулиан Араухо тез орада "Барселона" билан шартнома имзолайди.
Манбага кўра, мексикалик футболчи Каталония клуби қароргоҳига 16 февраль куни етиб боради, тиббий кўрикдан ўтади ва 2026 йилнинг июнигача шартнома имзолайди. Шартнома 4 миллион еврога баҳоланган.
Олдинроқ ФИФА "Барселона" ўз навбатида "18 сония кечикиб" қолгани учун ҳимоячи билан шартнома имзолашга рухсат бермагани ҳақида хабар берилганди. Каталония жамоаси CAS'га ариза юборди.
21 ёшли Араухо ўтган мавсумда МЛСда 31 та ўйинда майдонга тушиб, 1 та гол урди ва 5 та голли узатмани амалга оширди. Transfermarkt порталига кўра, футболчининг нархи 6 миллион еврони ташкил қилади.
