Сешанба оқшомида "ПСЖ" ва "Бавария" Чемпионлар лигасининг 1/8 финалида ўйнади. Мюнхенликлар меҳмонда Кингсли Команнинг голи эвазига 1:0 ҳисобида зафар қучди. Футболчи урилган голдан ўз ҳис-туйғулари билан ўртоқлашди.
“Парк де Пренс”да гол уриш менинг болаликдаги орзуим. Бу алоҳида дақиқа эди. Бу мен ўсган клуб, мен туғилган шаҳар. Мен бу ерда, мухлислар олдида голни нишонлашни истамадим", — деб Команнинг сўзларини келтиради ижтимоий тармоқларда журналист Фабрицио Романо.
"Бавария" ва "ПСЖ" ўртасидаги жавоб учрашуви 8 март куни Мюнхенда бўлиб ўтади.
