"Челси" ҳужумчиси Кай Хаверц бугун, 15 февраль куни Тошкент вақти билан соат 01:00да бошланадиган Чемпионлар лигасининг 1/8 финали доирасидаги Дортмунднинг “Боруссия” жамоасига қарши ўйиндан олдинги фикрлари билан ўртоқлашди.
"Жорий мавсум биз кутганимиздек осон кечмади. Энди бор эътиборимизни Чемпионлар лигасига қаратамиз, чунки биз “турнир жамоаси” эканлигимизни ва бу мавсумда кўп ютуқларга эришишимиз мумкинлигини биламиз.
Чемпионлар лигаси - бу ўзига хос турнир, нима бўлишини ҳеч қачон билиб бўлмайди. Биз 2020/21 йилда мураббийларни алмаштирганимизда ва Чемпионлар лигаси финалида ҳайратланарли даражада ўйнаганимизда, биз Премьер-лигада 10-ўринда эдик. Бу ерда ҳамма нарса жуда тез кетмоқда. Ўйлайманки, "Боруссия" ўйини ажойиб бўлади ва иккала жамоада ҳам ғалаба қозониш учун яхши имконият бор. Шунинг учун мен якунда нима бўлишини кўришни жуда хоҳлайман", - деди Хаверц "Челси" клуби расмий сайтига.
