"Барселона" вингери Рафинья эртага, 16 февраль куни Тошкент вақти билан соат 22:45да бошланадиган "Манчестер Юнайтед" билан Европа Лигаси 1/16 финал учрашувидан олдинги фикрлари билан ўртоқлашди.
"Мен қийин ўйин бўлишини кутаман. Лекин ўйлайманки, бу мавсумдаги энг яхши ўйинлардан бири бўлади. Умид қиламанки, жуда яхши ўйин бўлади. Бизга қарши жуда қийин рақиб ўйнайди.
"Барселона" ва "Манчестер Юнайтед" - дунёнинг энг яхши икки жамоаси ва улар мавсум давомида иккала жамоа учун ҳам яхши бўлмаган пайтлар бўлиши нормал ҳолат. Барча клублар оғир кунларни бошдан кечирмоқда ва сиз яна энг яхши бўлиш учун ёндашувингизни қандай ўзгартиришни билишингиз керак.
Ўйлайманки, биз бу ўйинга яхши тайёргарлик кўрдик. Сўнгги ўйинларда яхши ўйнадик. Чарчоқ ҳаммага ҳам, жамоамизга ҳам, уларга ҳам таъсир қилади. Лекин биз энг яхши формадамиз ва барча мусобақаларда иштирок этишда давом этиш учун бизда ҳамма нарса бор", - деди Рафинья Marca билан суҳбатда.
