"Манчестер Юнайтед" ҳужумчиси Ваут Вегхорст ўзи дунёнинг энг катта деб ҳисоблаган жамоаларни номини айтди.

Нидерландиялик футболчи ўзининг ҳозирги клубини, шунингдек, "манкунианликлар" бугун Европа лигасида ўйнайдиган "Барселона"ни танлади.

"Болалигимда мен иккала жамоа билан жуда кўп видеоларни кўрганман, улар жуда катта тарихга эга. Шахсан мен учун "Манчестер Юнайтед" ва "Барселона" - дунёдаги энг катта икки клуб", - деди Вегхорст "қизил иблислар" расмий сайтига берган интервьюсида.

Эслатиб ўтамиз, Вегхорст январь ойида "Бёрнли"дан мавсум охиригача ижара асосида "Манчестер Юнайтед"га ўтган эди. Ваут "қизил иблислар" сафида барча мусобақаларда саккизта ўйинда битта гол урган ва битта голга ассистентлик қилган.