«Наполи» ҳимоячиси Марио Руй жамоанинг А Серия турнир жадвалидаги ўрни ҳақида ўз фикрлари билан ўртоқлашди.
Неаполликлар Италия чемпионатида энг яқин таъқибчиси «Интер»ни 15 очкога ортда қолдириб, пешқадамлик қилмоқда.
«Ҳали 16 та ўйин бор, бу вақт ичида ҳамма нарса бўлиши мумкин. Ўйиндан-ўйинга диққатимизни бир жойга қаратишга ҳаракат қиламиз.
Ҳамма бизни йиқитишни хоҳлайди ва биз уларга бунга йўл қўймасликка тайёр бўлишимиз керак. Биз ўз даражамизни сақлаб қолишимиз ва бўлажак барча ўйинларда ғалаба қозониш ҳақида ўйлашимиз керак», - дея Руйнинг сўзларини келтиради Inter News.
