УЕФА президенти Александр Чеферин ушбу лавозимга сайловда ягона номзод бўлди, деб хабар бермоқда AS.
Словенияликнинг рақиби йўқлиги сабабли, у 5 апрель куни Лиссабонда бўлиб ўтадиган УЕФАнинг 47-конгрессида тўрт йиллик муддатга қайта сайланади.
55 ёшли Чеферин 2016 йилдан бери УЕФАни бошқариб келмоқда. Эслатиб ўтамиз, 2 май куни УЕФА Россия клублари ва терма жамоаларини 2022/2023 йилги халқаро мавсумдан четлаштиришга қарор қилган эди.
Россия жамоалари келаси мавсумда Европа мусобақаларида, УЕФА Миллатлар лигаси, U-21 Европа чемпионати, Аёллар ўртасидаги Евро, шунингдек, 2023 йилги аёллар ўртасидаги жаҳон чемпионати саралашида иштирок эта олмайди.
Беларус терма жамоаси УЕФА шафелигидаги турнирларда иштирок этиш имкониятига эга, бироқ мамлакатдан ташқарида ва томошабинларсиз трибуналарда учрашувлар ўтказади.